மூத்தோர் மகிழ்வடைய மேலும் அதிகமான காரணங்களை அளித்தல்

நம் மூத்தோர் மின்னிலக்கமயமாதலின் அடுத்த கட்டத்திற்குச் செல்வதற்கு உதவ, நாங்கள் உடன் இருக்கிறோம்!

மின்னிலக்கமயமாதல் சிரமமான ஒன்றாகத் தோன்றினாலும், ஒரு சிறு முயற்சி மட்டும் போதும் – இந்தப் பயணத்தில் நம் மூத்தோருக்கு உதவ நாங்கள் உடன் இருக்கிறோம். மூத்தோர் தொழில்நுட்பத்தைப் பற்றி தற்போது எந்த அளவுக்குத் தெரிந்து வைத்திருந்தாலும், அவர்கள் மின்னிலக்கமயமாதலைக் கடைப்பிடித்து, அதனை மகிழ்ச்சியோடு பயன்படுத்துவதற்கு உதவியாக, இந்தத் திட்டம் வகுக்கப்பட்டுள்ளது.

மின்னிலக்கமயமாகும் வழிமுறையைக் கற்றுக்கொள்ளுங்கள்

பாதுகாப்பான தூர இடைவெளி சார்ந்த நடவடிக்கைகள் பெரும்பாலும் தொடரும் என்பதால், மூத்தோர் தொடர்ந்து வாழ்க்கையை நிறைவாக வாழ்வதற்கு மின்னிலக்கமயமாதல் வழிவகுக்கிறது. நண்பர்களையும் குடும்பத்தாரையும் சந்திக்க காணொளி அழைப்புகள் செய்வது முதல், உணவங்காடி நிலையங்களிலும் ஈரச்சந்தைகளிலும் பொருட்கள் வாங்குவது வரை, SafeEntry பதிவு முறைக்கு SingPass Mobile செயலியைப் பயன்படுத்துவது என, இணையத்தில் எண்ணற்ற சாத்தியங்கள் உள்ளன.

மூத்தோர், மின்னிலக்கப் பயன்பாட்டைத் தொடங்குவதற்கு, இணையத்தில் ஏராளமான வளங்கள் உள்ளன.

இந்த இணைய வளங்கள் பற்றிய மேல் விவரங்களுக்கு, கீழ்க்காணும் பொத்தானை அழுத்துங்கள்.

கூட்டு முயற்சி!

ஒத்துழைப்பின் மூலம் மட்டுமே, முழுமையாக மின்னிலக்கமயமான சிங்கப்பூரை உருவாக்குவது சாத்தியம். ‘மூத்தோர் மின்னிலக்கமயாதல்’ திட்டத்தின் மூலம் அதிகமானோர் பயனடைய, வர்த்தக - சமூக அமைப்புகள், நன்கொடையாளர்கள், தொண்டூழியர்கள், ‘ஒன்றிணைந்த சிங்கப்பூர்’ (SG Together) இயக்கத்தின் கீழ் இத்திட்டத்திற்குப் பங்களிக்க விரும்பும் மற்றவர்கள் ஆகியோருடன் தகவல்தொடர்பு ஊடக மேம்பாட்டு ஆணையம் இணைந்து செயல்படும்.

எங்கள் திட்டம், குறைந்த வருமானக் குடும்பங்களுக்கு எவ்வாறு பயனளிக்கும் என்பது பற்றி மேலும் அறிய, எங்களின் Digital Access Programme இணையப்பக்கத்திற்குச் செல்லுங்கள். இந்த நோக்கத்திற்குப் பங்களிக்க விரும்பும் அமைப்புகள், ncss_comchest@ncss.gov.sg என்ற மின்னஞ்சல் முகவரியில் அல்லது 1800 210 2600 என்ற தொலைபேசி எண்ணில், சமூக உண்டியலுடன் தொடர்புகொள்ளலாம்.

மின்னிலக்கப் பயன்பாட்டுத் திட்டத்தின் Digital Access நிதி திரட்டும் இணையப்பக்கத்திற்குச் சென்று, இணையம்வழி நன்கொடை வழங்கலாம் அல்லது கீழ்க்காணும் விரைவுத் தகவல் குறியீட்டை (QR Code) வருடலாம்.

A QR code to visit the fundraising webpage for the Digital Access Scheme

($10-க்கு மேலான நன்கொடைகளுக்கு வரிக் கழிவுகள் கிடைக்கும்)

Stay tuned for our newsletter

Seniors Go Digital